Wer bin ich
<i><b>SALI MITENAND</b></i>
Merci das Du mini Site a klickt hesch. Gern wet i Eu es bitzeli us mim Lebe verzelle.
Bisch debi, de wünsch ich Dir viel Spass.
*******************************************************************
S'Liecht vor Welt ha ich am 11. Auguscht 1976 z'Glarus erblickt. Ufgwachse bin i mit mim 9 Jahr ältere Brüeder.Mir hends nid immer eifach ka zäme aber mir hend eus Müeh geh :o)
Nach minre Internat- Schuelzit im Kanton OW han i mi für e Lehr als Zahnmedizinische Assistentin entschiede. Es het mer u guet gfalle bis eines Tages dunkli Wolke ufzoge sind.
D' Nachricht über die schwer Krankheit vo minre Mom het mi recht zu der Bahn usegworfe.
Nach 3 Mönet liede het sie dörfe ischlafe und ich bin innes tüfs Loch gfloge. Ha ke Sinn und Halt meh im Lebe ka.
Zum Glück hend mir es paar gueti Kollege gholfe, wieder neue Lebensmuet z'gfinde und i han mini Lehr mit Erfolg abgschlosse. Uf das bin i hüt no stolz!
Im Aschluss han i no s'Handelsdiplom absolviert.
Sit bald 4 Jahr schaff ich etz ime Wohn-und Pflegeheim am Zürisee unde. Min Traum isches, selber mal chöne es Heim z'leite aber für das muess i zerscht no d'Heimleiterschuel abschlüsse :o)
Wohne do i jetzt de au bald sit 1 Jahr da unde und es gfallt mer sehr guet. Ha mit mine 2 Katze e schöni Wohnig gfunde und mir sind zfriede und glücklich. Es fehlt eus eigentlich nur no eis zum perfekte Glück, aber was das isch verrat i nid *hihi*
So das wär mal e chline Zämeschnitt us mim Lebe :o)